اشعار رومانسيه ، أفضل 5 قصائد بالعاميه المصريه

إضافة شرح

أشعار رومانسيه بالعاميه المصريه ، أعرضها لك لأول مره عزيزي القارئ كما عودتك دائماً ، وهنا ستجد كل ما هوا حصري من اشعار رومانسيه جديده ، لنغوص معاً بين كلماتها ومعانيها وأحاسيسها ، التي أدَّعي أنها تعبر عن وجدان القلوب العاشقه.

الأشعار الرومانسية

وهنا سأتكلم عن جزء من تعريفي الخاص المتواضع لهذه الأشعار عامةً ، وهي لابد أن تُكتب عن تجربه شخصيه او مرئيه من الشاعر لكي تكون محسوسه ، والإحساس الصادق يصل لقلب القارئ أو السامع بسهوله.

وهذا بالإضافة إلي امتلاك الموهبه والتمكن من اللهجة أو اللغة لتوظيف الكلمات المناسبة التي توضح المعنى بدقة.

ولا يمكن أن يأتي في ذِهن الشاعر مثلا أنه سيكتب مجموعة اشعار حب قصيرة رومانسية ، أو قصائد رومانسية ، أو قصائد حب رومانسية مثلاً ، فيبدأ الكتابة من خياله ويسطر كلمات متوافقة مع علم العَروض في أي موضوع وينتهي.

إذاً اين روح القصيدة وامتزاج الإحساس مع الخيال عن التجربة أو الموقف أو الفكرة أو القصة !؟ وهنا ستجد أنه لا يوجد صدق في الإحساس ولن تصل الكلمات الي القلوب.

ولذلك أغلب كتاباتي أشعار رومانسيه قصيره ، لأنني أكتب ما أحس به فقط سواء عن تجربة أو موقف أو حتى حلم في الصحوة أو المنام ، وإذا شَرَدت الذِهن لا أُكمل ، وأعتقد أن هذا الصحيح.

لأن الكلمات التي تُكتب في الرومانسيه لابد أن تكون أشعار رومانسيه جميله جدا للعشاق الذين سيقرأوها ، أو التي ستعبر عن حالتهم ، ولابد أن تكون محسوسه وتغذي الروح وتُريحها من مشقة وتعب الحياة ولو لوقت سماعها  أو قراءتها فقط.

عزيزي القارئ إلى هنا وسأتركك مع القصائد الخمس التالية ، وإن كنت من محبي الشعر القصير بالفصحي فأقرأ آخر مقاله كتبتها بها خمسة قصائد شعر حب قصير بالفصحى ، ولا تنسى ان تقول لي رأيك ولو بالنقد في صندوق التعليقات أسفل المقال في كل مقال ، وهل أعجبك أم لا؟ ، أو ما أكثر القصائد التي أعجبتك وما أكثر القصائد التي لم تعجبك؟ ، و اتركك الأن مع القصائد..

أسماء القصائد كما ستأتي بالترتيب

1- قصيدة (كياني اتهز)

2- قصيدة (إزاي)

3- قصيدة (شاكه)

4- قصيدة (لسه متعرفيش) 

5- قصيدة (أغلي من حياتي)

إضافة شرح

1- قصيدة (كياني اتهز) 

إزاي بتقولي هسيبك بس

وانتي اللي ف قلبي وبيكي حس

ورجعّتيلي النبض لقلبي

وكياني اتهز بحبك هز

وازاي هكون مش ليكي

وكل ما فيا بيناديكي

وبمشي كمان بنور عنيكي

دا الأمل من غيرك يأس

دا انتي مني وانا منك

ولا يبعدني الموت عنك

روحك فيا وروحي منك

وبنفهم بعض بدون همس.

…………

2- قصيدة (إزاي)

إزاي عيزاني اتحايل

وازاي عيزاني اترجاكي

ولما أترجى واتحايل

تمشي وعيزاني أستناكي

ولما أستنا وأكتبلك

وابعت رسايل وأعاتبك

عتاب حبايب وانتظرك

تزعلي وتاخدي قلبي معاكي

وترجعي تقولي دنا بهزر

وجعتي قلبي ونبضه اتأثر

واهتمامي وشوقي انكسَّر

قدام عيوني بس فداكي

ياللي بقدرك واحترمك

قبل ما أعشقك أو أحبك

انا ليا فيكي اكتر منك

وليّا كمان قلب معاكي

العِزه طول عمرها ليها حد

وعِزة نفسي اللي ما ليها حد

غلاوتك عندي ما زيَّها حد

وأقدم قلبي وروحي فداكي

بس ليا طلب عندك
كفايه دلع وحياة قلبك
ارحمي قلب داب وحبك
وخليني غالي زي غالاكي
واوعدك مهما هيحصل
هفضل جنبك ومعاكي
ومهما بعدتي انا هوصل
عذاب بعذاب بس القاكي.
……….

إضافة شرح

3- قصيدة (شاكه) 

منا قولتلك قبل انهارده
أن انتي كوني ودنيتي
وفتحت ليكي باب حياتي
وقولت كوني جنتي
دلوقت ليه بعد انتظاري
في ليل طويل بلهفتي
جيا شاكه وبتسأليني
مستني مين وبتتلفتي!!؟
 
انتي نسيا وعدك ليا
ولا غاويه تعذبي فيا 
 ولا انا عِميِّت عنيا
وحبك ليا مش قسمتي
 
 هوا يعني دا جزائي
بعد حبي واحتوائي
واهتمامي واشتياقي
راجعه فيهم تموتي!!؟
منا قولتلك قبل انهارده
إن انتي كوني ودنيتي
وفتحت ليكي باب حياتي
وقولت كوني جنتي.
…………

إضافة شرح

4- قصيدة (لسه متعرفيش) 

هو انتي لسه متعرفيش
وبشعوري ليكي محسَّتيش
ان انتي وغيرك مفيش
قلبي وروحي وعنيَّا!!؟

ولو مش انتي يبقي مين
اللي ممكن اعيشله سنين
واملهاله فرح وحنين
واشيلهاله علي إيديَّا!!؟

وافرِشْلُه عمري يمشي عليه
واهديله روحي وقلبي هِديَّه
…………

إضافة شرح

5- قصيدة (أغلي من حياتي)

ياللي بسمتك بتفتح الورود
ياللي ضحكتك بتْفَرَّح الوجود
يأغلي من حياتي 
خدي مني حياتي 
ولا اشوف دمعتك بتجرح الخدود 
ياروحي وكياني 
يافرحي وحناني 
بفرح لفرحتك لأبعد الحدود
………..